Namangan davlat pedagogika instituti professor-o‘qituvchilarining ilmiy-metodik salohiyatini oshirish va zamonaviy baholash tizimlarini ta’lim jarayoniga tatbiq etish borasidagi ishlari yangi bosqichga ko‘tarilmoqda. ​Xususan, institutning Boshlang‘ich ta’lim innovatsiyalari kafedrasi mudiri F.Z. Xusanova hamda kafedra professor-o‘qituvchilari M.I. Djakbarova, T.U. Jo‘rayeva, F.K. Ochilova va G.R. Abdurahmonovalar 2026-yilning 22-yanvaridan 31-martiga qadar Bilim va malakalarni baholash agentligi huzuridagi Ilmiy-o‘quv amaliy markazida tashkil etilgan maxsus malaka oshirish kursida ishtirok etdilar.

​Jami 126 soatlik o‘quv dasturini qamrab olgan ushbu kurs "Boshlang‘ich sinf o‘qituvchilari uchun milliy sertifikatlash testlarini yaratish" mavzusiga bag‘ishlandi. Kurs davomida o‘qituvchilar xalqaro baholash standartlari (PISA, PIRLS) va zamonaviy testologiya tamoyillari asosida Boshlang‘ich sinf o‘qituvchilarining bilimini xolis baholash metodikalarini chuqur o‘rgandilar. ​Kafedra jamoasi kurs dasturida faol ishtirok etib, yakuniy sinovlarni muvaffaqiyatli topshirdilar va maxsus SERTIFIKAT bilan taqdirlandilar.

​Tashabbusning asosiy maqsadlari: boshlang‘ich sinf o‘qituvchilarining bilim darajasini aniqlash uchun mo‘ljallangan milliy sertifikat testlarining ilmiy asoslarini va metodik bazasini takomillashtirish. Milliy sertifikatlash tizimi orqali yuqori malakali boshlang‘ich sinf pedagoglarini saralab olish va ularni moddiy-ma’naviy rag‘batlantirishga zamin yaratish.

Test topshiriqlarini yaratishda nafaqat nazariy bilim, balki o‘qituvchilarning mantiqiy va ijodiy fikrlash qobiliyatini baholashga qaratilgan innovatsion yondashuvlarni joriy etish. ​OTM pedagoglarining bevosita testologiya jarayonlarida ishtirok etishi orqali bo‘lajak boshlang‘ich sinf o‘qituvchilarini tayyorlash sifatini oshirish. ​Ushbu yutuq kafedra ilmiy salohiyatining xalqaro talablarga moslashayotganidan va umumta’lim maktablari uchun munosib kadrlar tayyorlash yo‘lidagi muhim qadamlardan biri bo‘lib xizmat qiladi.

❮ ❯