Bugun jamiyatimizda xotin-qizlarning oʻrni beqiyos boʻlib, ular mamlakatning ijtimoiy-iqtisodiy rivojlanishida, siyosiy va madaniy hayotining barcha sohalarida faoliyat koʻrsatib, davlat hokimiyati va jamoat tashkilotlari faoliyatida keng ishtirok etishmoqda, yosh avlod tarbiyasiga, sogʻliqni saqlash, ijtimoiy soha, sanoat, qishloq xoʻjaligi va boshqa sohalarni rivojlantirishga hissa qoʻshib kelmoqdalar.

Shu munosabat bilan Oliy Majlis Senati raisi T.Norboyeva 
boshchiligida Jamoatchilik kengashining “Ma’rifatli ayol – farovon jamiyat 
tayanchi” mavzusida ZOOM platformasi orqali
ilmiy-amaliy konferensiya tashkil etildi.

Respublika miqyosidagi ushbu nufuzli konferensiyada yuksak salohiyatli, izlanishlari bilan koʻzga koʻringan olimalar o'z taqdimotlari bilan ishtirok etishdi.

Jumladan, Namangan davlat pedagogika institutida viloyat Ixtirochi va olima ayollar jamiyati rahbari A.Turg'unboyeva boshchiligida viloyatimizning olima ayollari ham o’z fikr-mulohazalarini bildirib, ustuvor masalalar boʻyicha takliflarini berib oʻtishdi.

❮ ❯