Namangan davlat pedagogika institutida Maktabgacha va maktab taʼlimi vaziri hamda Oliy taʼlim, fan va innovatsiyalar vazirining yoshlar, ota-onalar va pedagoglarni giyohvandlik hamda narkojinoyatlarning salbiy oqibatlaridan ogohlikka chaqiruvchi Qo‘shma murojaati yuzasidan targ‘ibot tadbirlari tashkil etildi.

Mazkur murojaatda yoshlar hayotiga tahdid soluvchi illatlarga qarshi hushyorlik, ogohlik va mas’uliyat bilan yondashish zarurligi ta’kidlangani talabalarga batafsil yetkazildi.

Targ‘ibot ishlarida Ma’naviyat bo‘limi uslubchisi Sh.Abdurazzaqov hamda Yoshlar bilan ishlash bo‘yicha dekan o‘rinbosarlari B.Kenjayev hamda S.Dadaboyev ishtirok etib, giyohvandlikning zararli oqibatlari, sog‘lom turmush tarzi va ongli hayotiy tanlovlar borasida tushuntirishlar olib bordilar. Tadbir davomida talabalar bilan ochiq muloqot o‘tkazilib, murojaatda qayd etilgan asosiy fikr-mulohazalar yana bir bor eslatib o‘tildi.

Institut jamoasi yoshlarni turli illatlardan asrash, ma’naviy immunitetni mustahkamlash va sog‘lom muhit yaratish borasidagi targ‘ibot tadbirlarini izchil davom ettiradi.

❮ ❯