Ayni damda Namangan davlat pedagogika institutida “Jadidlar jasorati — millatimiz faxri” hamda “Jadidlar: milliy o‘zlik, istiqlol va davlatchilik g‘oyalari” mavzularida insholar tanlovining institut bosqichi boʻlib oʻtmoqda.

Tanlovda institut birinchi prorektori A.Isoqboyev so'z olib, maʼrifatparvar jadid bobolarimizning ezgu ishlari, xalqni ilmli qilish yoʻlidagi harakatlari haqida toʻxtalib oʻtdi hamda tanlov ishtirokchilariga omad tiladi.

Shuningdek, Oʻzbek va xorijiy tillar kafedrasi mudiri R.Tillayeva insho yozish talablari haqida qisqacha maʼlumot berib, fikrlar izchilligi, mustaqil fikr hamda chiroyli xusnixat asosida yozish kerakligini taʼkidlab oʻtdi.

Maʼlumot uchun:
 Tanlovning mutloq g‘oliblari Oliy ta’lim, fan va innovatsiyalar vazirligi tomonidan quyidagi tartibda pul mukofotlari bilan taqdirlanadi:

1 o‘rin – 8 000 000 so‘m;

2 o‘rin – 6 000 000 so‘m;

3 o‘rin – 5 000 000 so‘m;

 Tanlovning institut bosqichi g‘oliblari institut tomonidan faxriy yorliq hamda institutning budjetdan tashqari mablag‘lari hisobidan mehnatga haq to‘lashning 1 barobari miqdorida bir martalik rag‘batlantiriladi.

❮ ❯