Aniq va tabiiy fanlar fakultetida “Art pedagogikaning zamonaviy paradigmalari, rivojlanish istiqbollari” mavzusida ilmiy-amaliy konferensiya yuqori saviyada bo‘lib o‘tdi.

Aniq va tabiiy fanlar fakultetida “Art pedagogikaning zamonaviy paradigmalari, rivojlanish istiqbollari” mavzusida ilmiy-amaliy konferensiya yuqori saviyada bo‘lib o‘tdi. Mazkur anjuman pedagogika sohasidagi dolzarb masalalarni muhokama qilish, innovatsion yondashuvlarni keng joriy etish hamda ilmiy tajriba almashish maydoniga aylandi.

Konferensiyani Ilmiy ishlar va innovatsiyalar bo‘yicha prorektor M. Qodirxonov kirish so‘zi bilan ochib berdi. U o‘z nutqida bugungi kunda art pedagogikaning ta’lim tizimidagi o‘rni, uning yoshlar tarbiyasidagi ahamiyati hamda zamonaviy ta’lim jarayonlariga integratsiyasi haqida alohida to‘xtalib o‘tdi. Shuningdek, anjuman qatnashchilariga muvaffaqiyat tilab, konferensiya ishiga omad tiladi. Tadbir davomida professor-o‘qituvchilar, tadqiqotchilar va talabalar tomonidan art pedagogikaning nazariy asoslari, innovatsion metodlari, ijodiy yondashuvlar orqali ta’lim samaradorligini oshirish masalalariga bag‘ishlangan ilmiy ma’ruzalar tinglandi. Har bir chiqish ishtirokchilar tomonidan katta qiziqish bilan qarshi olinib, mavzu doirasida fikr almashildi.

Konferensiya doirasida ilg‘or tajribalar muhokama qilinib, kelgusida amalga oshirilishi lozim bo‘lgan ustuvor vazifalar belgilab olindi. Ushbu ilmiy-amaliy anjuman art pedagogika yo‘nalishida olib borilayotgan ilmiy izlanishlarni yanada rivojlantirishga xizmat qilishi ta’kidlandi.

❮ ❯