Namangan davlat pedagogika institutida 2026-yil 12-may kuni 60610500 – “Sun’iy intellekt” bakalavriat ta’lim yo‘nalishini maxsus akkreditatsiyadan o‘tkazishning yakuniy xulosa bosqichi bo‘lib o‘tdi. Tashrif davomida ekspert komissiyasi a’zolari tomonidan dastur sifatini baholashga qaratilgan uchrashuvlar, intervyular va o‘rganish ishlari tashkil etildi. Jarayonda ta’lim dasturining institut strategiyasi bilan uyg‘unligi, manfaatdor tomonlar fikri, bitiruvchilardan kutilayotgan kompetensiyalar hamda moddiy-texnik baza holati muhokama qilinib baholandi. Yakuniy xulosa Ta’lim sifatini ta’minlash milliy agentligi tomonidan yaqin kunlarda e’lon qilinishi kutilmoqda.