Davra suhbatida Pedagogika fakulteti dekan o'rinbosari S.Dadaboyev, Yoshlar bilan ishlash, maʼnaviyat va maʼrifat boʻlimi uslubchisi Sh.Abdurazzaqov, Pedagogika fakulteti tyutorlari M.Sharipov, G.Yuldasheva, L.Xonto'rayeva hamda magistr va talaba-yoshlar ishtirok etishdi.
Davra suhbatini Pedagogika fakulteti dekan o'rinbosari S.Dadaboyev kirish so'zi bilan ochib berdi.

Unda Yoshlar bilan ishlash, maʼnaviyat va maʼrifat boʻlimi uslubchisi Sh.Abdurazzaqov so'zga chiqib, atoqli o’zbek shoiri, xattot, musiqashunos, tarjimon va davlat arbobi Komil Xorazmiy hayoti va ijodiy faoliyati haqida batafsil ma'lumot berib o'tdi.

Davra suhbati yakunida Maktabgacha ta'lim yo'nalishi 2-bosqich magistranti M.G'oziyeva so'zga chiqib, Xorazm lazgisining yaratilishi va raqs harakatlarining ma'nolarini tushuntirib berdi.
Davra suhbatida talabalar Komil Xorazmiy haqida o'zlarini qiziqtirgan savollarga batafsil javob olishdi.

Ma'lumot uchun — Komil Xorazmiy (taxallusi; asl ismi Pahlavon Muhammadniyoz Abdulla Oxund o’g’li) (1825—1899) — o’zbek shoiri, xattot, musiqashunos, tarjimon va davlat arbobi. Jahon madaniyatining Xorazmdagi ilk targ’ibotchilaridan biri.

Komil Xorazmiy Sharq mumtoz musiqasi, xususan, maqomchilik an’analarini rivojlantirishga homiylik qilgan, o’zbek kuylarini yozib olish uchun "Tanbur chizig’i" deb ataluvchi nota tizimini joriy etgan.

Komil Xorazmiy Sharq mumtoz shoirlari an’analari ruhida lirik she’rlar yozgan, devon tuzgan. Bu devonda 8000 misradan ortiq she’r bo’lib, ular g’azal, murabba, muxammas, musaddas, masnaviy, ruboiy, qasida, muammo kabi janrlarda yozilgan.

❮ ❯