Tadbirda institut rektor maslaxatchisi M.Xodjayev, O'quv ishlari bo'yicha prorektor A.Abdunazarov, Yoshlar bilan ishlash, ma'naviyat va ma'rifat bo'limi boshligʻi M.Nabijonov hamda boʻlim xodimalari, dekan oʻrinbosarlari va tyutorlar ishtirok etdilar.

Institut rektor maslaxatchisi M.Xodjayev so‘zga chiqib Maktabgacha va maktab taʼlimi vaziri hamda Oliy taʼlim, fan va innovatsiyalar vazirining yoshlar, ota-onalar hamda pedagoglarni giyohvandlik va narkojinoyatlarning salbiy oqibatlaridan ogohlikka chaqirishga qaratilgan qo'shma murojaati haqida so'z yuritdi.

Yig‘ilish davomida giyohvandlikning shaxs salomatligiga, oila barqarorligiga hamda jamiyat taraqqiyotiga yetkazadigan jiddiy zararlar, narkotik moddalar iste’moli va u bilan bog‘liq jinoyatlar statistikasi, ularning oldini olish bo‘yicha olib borilayotgan davlat siyosati, ta’lim muassasalari zimmasidagi vazifalar haqida batafsil yig'ilish ishtirokchilariga tushuntirib o'tildi.

Shuningdek, muloqot jarayonida ogohlikka chaqiruvchi suhbatlar, profilaktik uchrashuvlar va ma’naviy-ma’rifiy mashg‘ulotlarni muntazam tashkil etish bo‘yicha taklif va tavsiyalar berildi.

Yig‘ilish yakunida barcha ishtirokchilar giyohvandlikka qarshi kurashishda birlashish, narkojinoyatlarga qarshi kurashishda jamoaviy mas’uliyatni oshirish va ta’lim muassasalari hududida profilaktik ishlarni kuchaytirish bo‘yicha fikr almashdilar.

❮ ❯