Namangan davlat pedagogika institutida Namangan viloyati Adliya boshqarmasi hamda Toshkent davlat Yuridik unversiteti bilan hamkorlikda O‘zbekiston Respublikasi Konstitutsiyasining 33 yilligi munosabati bilan, “Konstitutsiya — inson qadri, erkinlik, tenglik va adolat garovi!” shiori ostida targ'ibot tadbiri tashkil etildi.

Unda Yoshlar bilan ishlash, ma'naviyat va ma'rifat bo'limi boshlig'i M.Nabijonov, Namangan viloyati Adliya boshqarmasi bosh mutaxassisi N.Yadgarova, Aniq va tabiiy fanlar fakulteti dekani T.Abdullayev, Toshkent davlat Yuridik unversiteti professor-o'qituvchilari hamda “Targ‘ibot poyezdi” loyihasi doirasida TDYU talabalari ishtirok etdilar.

Tadbir davomida yangi tahrirdagi konstitutsiyada belgilangan huquq va erkinliklar, yangi normalar, uning muhim jihatlari xususida batafsil ma'lumot berildi.

Bu borada talabalarning bilimlarini sinovdan o’tkazish maqsadida “Kahoot” elektron tizim orqali test o’tkazildi. Ushbu onlayn testda g’olib deb topilgan bir qator talabalar TDYU hamda Namangan viloyat Adliya boshqarmasining esdalik sovg’alari bilan taqdirlandilar.

❮ ❯