Namangan davlat pedagogika instituti talabalari IIV Akademik litseyida joylashgan raqamlashtirilgan “Jasorat” muzeyida bo‘lishdi.

Mazkur muzey Ichki ishlar organlarining 33 yilligi munosabati bilan tashkil etilgan bo‘lib, ushbu maskanda mingga yaqin eksponatlar jamlangan. Uning katta qismi boshqarma tarkibidagi bo‘linmalarning tarixi va bugungi kuniga bag‘ishlangan.

Tashrif davomida muzeydagi bo‘limlar, tarixiy eksponatlar bilan batafsil tanishildi. Eng quvonarlisi, eksponat ostiga maxsus QR kod qo‘yilgan bo‘lib, istalgan kishi ushbu eksponat haqida 3 (o‘zbek, rus, ingliz) tilida to‘liq maʼlumot olishi mumkin.

Sayohat davomida talabalarga akademik litsey zalida IIB tizimiga oid videoroliklar ham namoyish etildi.

❮ ❯