Namangan davlat pedagogika instituti Ijtimoiy fanlar fakulteti Falsafiy va tarixiy fanlar kafedrasi professor-o‘qituvchilari tomonidan Namangan viloyatining turli tumanlarida joylashgan umumiy o‘rta ta’lim maktablarida kasbga yo‘naltirishga qaratilgan ma’rifiy uchrashuvlar tashkil etildi.

Uchrashuvlar davomida Davlatobod tumanidagi 84-sonli, Chust tumanidagi 3-sonli umumiy o‘rta ta’lim maktablari o‘quvchilari bilan bevosita muloqotlar olib borildi. Kafedra professor-o‘qituvchilari tomonidan Namangan davlat pedagogika institutining faoliyati, mavjud fakultet va ta’lim yo‘nalishlari, talabalarga yaratilgan sharoitlar, ilmiy va ijtimoiy imkoniyatlar haqida batafsil ma’lumotlar berildi.

Mazkur uchrashuvlarning asosiy maqsadi yoshlarning ma’naviy dunyoqarashini kengaytirish, ularni oliy ta’lim muassasalari haqida xabardor qilish hamda kelajak kasbi bo‘yicha ongli tanlov qilishiga ko‘maklashishdan iboratdir.

❮ ❯