14-yanvar — "Vatan himoyachilari kuni" munosabati bilan Namangan davlat pedagogika instituti Ma'naviyat bo'limi vakili Sh.Yigitaliyev, Ijtimoiy fanlar fakulteti tyutorlari hamda talabalar G'aybullo otaning xonadoniga tashrif buyurishdi.

Yaqin 10 yil davom etgan harbiy harakatlar chog'ida Afg'on zaminida tinchlik va barqarorlikni taʼminlash uchun Namangan viloyatidan 3676 nafar askar ishtirok etgan. Namangan tumani Qo'shchinor MFYda istiqomat qiluvchi G'aybullo ota Jo'rayev shulardan biridir.

Tashrif davomida otaxon talabalarga urush davrida bo'lib o'tkan qiyinchiliklar, sinovli voqealar haqida gapirib berdi. Mustaqil davlatda erkin va farovon yashayotganligimiz uchun shukronalik keltirishimiz kerakligini takidlab o'tdi. Hozirda mamlakatimizda yoshlarga yaratib berilgan sharoitlar haqida quvonib so'zladi.

Tashrif so'nggida talabalar o'zlarining qiziqtirgan savollariga urush qatnashchisidan javob olishdi va olib kelgan esdalik sovg'alarini topshirishdi

❮ ❯