3-dekabr — Xalqaro nogironlar kuni munosabati bilan Kosonsoy tumanida joylashgan Ijtimoiy himoya milliy agentligi Namangan viloyat boshqarmasiga qarashli 45-sonli “Nurlı maskan” maktab-internatida bayram tadbiri bo‘lib o‘tdi.

Mazkur tadbirda Namangan davlat pedagogika instituti Ijtimoiy ish yo‘nalishi talabalari faol va uyushqoqlik bilan ishtirok etishdi. Ular internat tarbiyalanuvchilari bilan muloqotlar o‘tkazib, mehr-muruvvat va e’tibor ruhida tashkil etilgan bayram dasturiga munosib hissa qo‘shdilar.

Tadbir davomida Namangan davlat pedagogika instituti rektori B.Xusanov nomidan “Nurlı maskan” jamoasiga samimiy tabriklar yetkazildi. Unda internat pedagog xodimlarining fidokorona mehnati, tarbiyalanuvchilarga bo‘lgan e'tibor va mehr, shuningdek, ta’lim hamda ijtimoiy qo‘llab-quvvatlash borasidagi sa’y-harakatlari alohida e’tirof etildi.

Bayram tadbiri yuksak kayfiyatda o‘tib, bolalarga ko‘tarinki ruh bag‘ishladi.

❮ ❯