Yer yuzidagi har bir millat faqat uning o’ziga xos bo’lgan an’ana va qadriyatlari bilan alohida ajralib turadi, tabiiyki, har qaysi xalqning bebaho boyligi bo’lgan bunday qadriyat va an’analar bir-ikki kunda paydo bo’lib qolmagan. Insoniyatning necha ming yillik tarixiy tajribasi shuni ko’rsatadiki, biror-bir narsaning an’anaga, ayniqsa, qadriyatga aylanishi uzoq davrni talab qiladi. Yillar, asrlar davomida muayyan qarash, odat, tushuncha, tajribalar zamonlar, avlodlar sinovidan o’tadi, sayqal topib boradi. Agar ular keyingi avlodlar tomonidan ham qabul qilinsa, davom ettirilib, urf-odatga aylansa, demakki, endi ularni milliy an’ana va qadriyat deb atash mumkin bo’ladi.

Namangan davlat pedagogika instituti Pedagogika fakultetida Milliy qadriyatlar — millat ma'naviyatining koʻzgusi" mavzusida davra suhbati oʻtkazildi. Suhbat davomida dekan oʻrinbosarlari, professor-oʼqituvchilar, tyutorlar talaba-yoshlarga milliy oʻzlik, milliy qadriyatlar, oʻzbek urf-odatlari, anʼanalari xususida maʼlumot berib oʻtishdi.

Namangan davlat pedagogika institutida Milliy qadriyatlarga bag'ishlangan tadbirlar davom etmoqda.

❮ ❯