Bugun Namangan davlat pedagogika instituti Aniq va tabiiy fanlar fakulteti dekani To'lqin Abdullayev fakultet talaba-yoshlari bilan uchrashdi.

Uchrashuv ochiq muloqot shaklida oʻtkazilgan boʻlib, talabalar oʻzlarining qiziqtirgan masalalari, takliflari bilan murojaat qilishdi.

Shuningdek, uchrashuv davomida fakultetda ta'lim sifatini oshirish, talabalar uchun qulay ilmiy va innovatsion muhitni yaratish hamda ularning bo'sh vaqtlarini mazmunli tashkil etish bo'yicha qator takliflar berildi.

Uchrashuv soʻnggida turli ta'lim yo'nalishlarida tahsil olayotgan talabalarning savol va murojaatlari bo'yicha tegishli vazifalar belgilab olindi hamda fakultet masʼullariga bu yuzasidan aniq topshiriqlar berildi.

Fakultet dekani T.Abdullayev talaba-yoshlarga institut, respublika va xalqaro miqyosda o'tkaziladigan fan olimpiadalari, tanlov va festivallarda yuqori o'rinlarni olishiga ishonch bildirib, ularga omad tiladi.

❮ ❯