Innovatsion rivojlanish agentligi tomonidan Oʻzbekiston texnik jihatdan tartibga solish agentligi bilan hamkorlikda Oʻzbekiston Respublikasi Bosh vazirining 2024-yil 15-avgustdagi topshirigʻida belgilangan vazifalar ilmiy yechimiga qaratilgan Ilmiy faoliyatga oid davlat maqsadli dasturi doirasida bajariladigan amaliy tadqiqot loyihalari tanlovi eʼlon qilinmoqda

Mazkur tanlov Oʻzbekiston Respublikasi Vazirlar Mahkamasining "Ilmiy-tadqiqot va innovatsion faoliyatni rivojlantirishning normativ-huquqiy bazasini yanada takomillashtirish chora-tadbirlari toʻgʻrisida"gi 2020-yil 9-martdagi 133-son qarorida belgilangan talablarga muvofiq oʻtkazilmoqda.

Tanlovga taqdim etiladigan ilmiy loyihalar davlat ilmiy dasturlarining yagona intellektual elektron platformasi (www.loyiha.ilmiy.uz) orqali 2024-yilning 20-oktabriga (shu kuni ham 18:00gacha) qadar elektron shaklda qabul qilinadi.