Namangan davlat pedagogika institutida “Bagʻrikenglik haftaligi” doirasida “Millatlararo totuvlik va bagʻrikenglik — umrboqiy qadriyatlar” mavzusida davra suhbati tashkil etildi.

Davra suhbatida Yoshlar masalalari, ma'naviy-ma'rifiy ishlar bo'yicha birinchi prorektor A.Isoqboyev, Ijtimoiy fanlar dekan oʻrinbosari B. Kenjayev boshchiligida Gumanitar fanlar kafedrasi professor-oʼqituvchilari hamda talaba-yoshlar ishtirok etishdi.

Davra suhbatini institut birinchi prorektori A.Isoqboyev "Millatlararo totuvlik va diniy bag‘rikenglik"ni demokratik jamiyatning asosiy tamoyillaridan biri ekanligi, mamlakatimizda keyingi yillarda amalga oshirilayotgan islohotlarning asl mohiyati ham millatlararo totuvlik va diniy bag‘rikenglik, o‘zaro manfaatli va amaliy ruhdagi tashqi siyosat yuritishga yo‘naltirilganligi, mamlakatimizning xalqaro nufuzini yanada oshirishga qaratilganligi haqida o'z fikr-mulohazalarini bildirib o'tdi.
Davra suhbati davomida professor-oʼqituvchilari tomonidan "Bag‘rikenglik haftaligi» doirasida tashkil etiladigan bunday davra suhbatlati ayniqsa yosh avlodni respublikamizda yashab turgan turli millat va elat vakillarining tili, madaniyati, anʼanalari va urf-odatlarini saqlash hamda rivojlantirishga, mamlakatimiz taraqqiyotiga o‘z hissasini qo‘shishga, jamiyatda ko‘p millatli katta oila tuyg‘usini, millatlararo totuvlik hamda diniy bag‘rikenglikni yanada mustahkamlashga xizmat qilishini taʼkidlab oʻtishdi.

❮ ❯