Namangan davlat pedagogika institutida 16-noyabr – "Xalqaro bagʻrikenglik kuni" munosabati bilan “Bagʻrikenglik haftaligi” doirasida Pedagogika fakulteti tyutorlari boshchiligida “Millatlararo totuvlik va bagʻrikenglik — umrboqiy qadriyatlar” mavzusida ilmiy-amaliy uchrashuv o‘tkazildi.

Ucharashuvga Namangan Qirg‘iz milliy madaniyat markazi direktori Nodira Mirzaolimova tashrif buyurib, talabalarga millatlararo hamjihatlik, qardosh xalqlar bilan totuvlik to‘g‘risida maʼlumot berib oʻtdi.

Suhbat davomida Ijtimoiy fanlar kafedrasi dotsenti Nafisa Valiyeva so‘zga chiqib, bagʻrikenglik madaniyatini mustahkamlash davlatimiz siyosatining ustuvor yoʻnalishlaridan biriga aylanayotgani, bunda koʻpmillatli jamiyatimiz fuqarolari ongida haqiqiy vatanparvarlik, xalqparvarlik va insonparvarlik tuygʻusini shakllantirish bu sohadagi ishlarning muhim yoʻnalishiga aylanishi lozimligini taʼkidladi.

Aziz va muqaddas boʻlgan jonajon yurtimizda turli millat vakillarining tinch va totuv istiqomat qilayotganligi, yagona Vatan tushunchasining qalblarda hukmron ekanligi mamlakatimiz mustaqilligi va taraqqiyotining muhim garovi boʻlib xizmat qilayotgani talabalarga tushuntirildi.

❮ ❯