Amaliyot rahbari Pedagogika va psixologiya kafedrasi katta o’qituvchisi Saodat Sulaymonova hamda Pedagogika yo’nalishi  2- bosqich talabalari bilan hamkorlikda Namangan shahar 18-sonli umumiy o’rta ta’lim muassasasida yuqori saviyada ochiq dars tashkil etildi.

Pedagog kadrlar tayyorlovchi oliy ta’lim muassasalarini tizimli rivojlantirish va ularda boshqaruv faoliyatini takomillashtirish, ilg‘or xorijiy tajribalarni joriy qilgan holda zamonaviy ta’lim dasturlarini ishlab chiqish, yuqori malakali professional kadrlar tayyorlashni yangi bosqichga ko‘tarish, shuningdek, pedagogika sohasida ta’lim, ilm-fan va amaliyot uyg‘unligini ta’minlash maqsadida Namangan davlat pedagogika instituti talabalari amaliyotga jalb etilgan.

Tashrif yakunida maktab o’qituvchilariga o’quv-tarbiyaviy ishlarning zamonaviy ahvoli, ilg’or pedagogik tajribalari bilan tanishtirish, sinfdan tashqari ishlarni tashkil qilinishi va o’tkazilishi bilan bog’liq masalalar bo’yicha davra suhbati tashkil etilib, tegishli ko’rsatmalar berildi.
Tadbir yakunida maktab ma'muriyatiga esdalik sovg'alari topshirildi.

❮ ❯