Namangan davlat pedagogika institutida Respublika Ma'naviyat va ma'rifat markazi viloyat bo'limi, Yozuvchilar uyushmasi viloyat bo'limi bilan hamkorlikda Usmon Nosir tavalludining 112 yilligi munosabati bilan "Unutmas meni bogʻim" mavzusida adabiy-ma'rifiy uchrashuv o'tkazildi.

Uchrashuvda viloyatimizning adabiyotshunos olimlari, ijodkorlari, jurnalistlar hamda Usmon Nosirning oila a'zolari, talaba-yoshlar ishtirok etishdi.

Viloyat Yozuvchilar uyushmasi raisi Ziyovuddin Mansur, adabiyotshunos olim, jurnalist Muhammad Vali va O'zbek va xorijiy tillar kafedrasi stajyor- o'qituvchisi Shamsiya Egamberdiyeva tomonidan berilgan ma'lumotlar Usmon Nosir bilan bog'liq ko'pgina chalkashliklar va bahsli munozaralarga oydinlik kiritdi.
Uchrashuv davomida institutning iqtidorli talabalari tomonidan ijro qilingan Usmon Nosir hayoti va ijodiga oid adabiy chiqishlar hamda monolog barchada katta taassurot qoldirdi.

❮ ❯