Namangan davlat pedagogika instituti vakillari jumladan, O'zbek va xorijiy tillar kafedrasi mudiri R.Tillayeva, kafedra dotsenti Sh.Ubaydullayev "Qirg'iz-Turkish Manas" universiteti Tillar kafedrasi mudiri filologiya fanlari doktori, professor Burul Sag'inbayeva bilan o'quv rejalar, fan sillabuslar hamda o'quv adabiyotlar haqida fikr almashishdi.

Gumanitar fanlar kafedrasi mudiri S.Botirova, kafedra dotsenti O.Topildiyevlar tomonidan universitet Tarix kafedrasi mudiri tarix fanlari doktori, professor AlimbayevJeyenbek Baypikolovich bilan o'zaro tajriba almashildi.

Institut Art pedagogika kafedrasi katta o'qituvchisi A.Asraqulova tomonidan universitet Musiqa, san'at kafedrasi mudiri professor Risbek Jumakunov bilan uchrashib, talabalar uchun yaratilgan shart-sharoitlar va imkoniyatlar bilan tanishildi.

❮ ❯