Namangan davlat pedagogika institutida "Talabalar akademiyasi oyligi" doirasida Pedagogika va psixologiya kafedrasi o‘qituvchisi M. Roziqova tomonidan “Shaxsning hissiy-irodaviy sohasi” mavzusida ochiq dars mashg‘uloti tashkil etildi.

Ochiq darsda Pedagogika fakulteti dekani Z. Abdullayev, Iqtidorli talabalarning ilmiy-tadqiqot faoliyatini tashkil etish bo‘limi boshlig‘i R. Tursunov, kafedra mudiri D. Oribboyeva va talabalar ishtirok etishdi.

Mashg‘ulot davomida M. Roziqova hissiy-irodaviy sohaning mohiyati va ahamiyati, iroda va uning xususiyatlari, shaxs muvaffaqiyatida hissiy-irodaviy sifatlarning o‘rni haqida nazariy va ilmiy yondashuvlarni yoritib berdi. Hissiyotlarning turlari, jumladan, muvaffaqiyat hissi, qo‘rquv, quvonch, tashvish kabi hislar haqida tushunchalar berilib, talabalarning qiziqishini oshirish maqsadida turli interaktiv mashg‘ulotlar va enerjayzerlar o‘tkazildi.

Ushbu dars jarayoni talabalarning mavzuga bo‘lgan qiziqishini oshirish, nazariy bilimlarini mustahkamlash va shaxsiy rivojlanishlariga xizmat qiluvchi muhim platforma bo‘ldi. Ishtirokchilar ochiq darsni yuqori baholab, muhokama davomida o‘z fikrlarini bildirdilar.

❮ ❯