Namangan davlat pedagogika institutida "Talabalik umrim bahori" shiori ostida talabalikka bagʻishlov bayram dasturi oʻtkazildi.

Tadbirda institut rektori B.Xusanov, viloyat hokimligi Yoshlar siyosati kotibiyati mudiri F.Yuldashev, Yoshlar ishlari agentligi Namangan viloyati boshqarmasi boshligʻi B. Mirzatov, Oʻzbekiston Yoshlar Ittifoqi Namangan viloyati kengashi raisi B.Umarov, prorektorlar, boʻlim boshliqlari, dekanlar, kafedra mudirlari va talaba-yoshlar ishtirok etishdi.

Dastlab, institut rahbariyati talabalar uchun tanishtirib oʻtildi. Shuningdek, institut rektori so'zga chiqib, birinchi bosqich talabalarini shunday sharafli — talabalik maqomi bilan tabriklab, oʻqishlarida omad tiladi.

Koʻtarinki ruhda oʻtkazilgan tadbirda oʻz sohasining yetuk mutaxassislari boʻlib yetishish hamda sifatli taʼlim muhitini rivojlantirish jarayonlariga oʻz hissalarini qoʻshishdek masʼuliyatli burchlarini alohida taʼkidlab, talabalar qasamyod qilishdi. Shundan soʻng institut rektori hamda hamkor tashkilotlar tomonidan talabalikka ilk qadam qoʻygan yoshlarga "Bilimlar kaliti”, “Talabalik guvohnomasi” va “Reyting daftarchasi" tantanali ravishda topshirildi.

Namangan davlat pedagogika instituti talabalari uchun "Talabalik umrim bahori" shiori ostida talabalikka bagʻishlov bayram dasturi doirasida viloyat musiqali drama teatri jamoasi tomonidan mohir dramaturg Hayitmat Rasul asari asosida sahnalashtirilgan "Zebunniso" spektakli namoyish etildi.

Tadbir davomida iqtidorli talabalar tomonidan kuy-qoʻshiqlar ijro etildi.

❮ ❯