Namangan davlat pedagogika institutida 9-dekabr "Xalqaro korrupsiyaga qarshi kurash kuni" munosabati bilan "Yoshlar korrupsiyaga qarshimiz" mavzusida talaba-yoshlar bilan davra suhbati oʻtkazildi.

Davra suhbatida Korrupsiyaga qarshi kurashish "Kompleans nazorat" tizimini boshqarish bo'lim boshlig'i A.Tojimatov, institut profilaktika inspektori G.Rahmatullayeva Pedagogika fakulteti Yoshlar ishlari masalalari bo'yicha dekan o'rinbosari S.Dadaboyev hamda tyutorlar ishtirok etishdi.
Bugungi kunda jamiyat rivojiga toʻsqinlik qilayotgan korrupsiya muammosi va unga qarshi kurash masalasi dolzarb ekanligi va bu borada olib borilayotgan ishlar hamda qonun va qarorlar haqida vakillar tomonidan tushuncha berildi.

Shuningdek, institut profilaktika inspektori G. Rahmatullayeva tomonidan korrupsiya bilan bogʻliq jinoyatlarning oqibatlari, yoshlar o'rtasida jinoyatchilikning oldini olish borasida talaba yoshlarga zarur maslahatlar berib o'tildi.

Davra suhbati davomida talaba-yoshlar oʻzlarining qiziqtirgan savollariga batafsil javob olishdi.

❮ ❯