Namangan davlat pedagogika institutida "Qadriyatlaring boqiy boʻlsin, Navroʻz" shiori ostida tantanali bayram tadbiri boʻlib oʻtdi.

Bayram tadbiri avvalida har bir fakultet tomonidan anʼanalarimizni aks ettiruvchi dekoratsiyalar, milliy taomlar, bahoriy  kayfiyat ulashuvchi koʻrgazmalar, milliy qadriyatlarimizni tarannum etuvchi sahna chiqishlari hamda kuy-qoʻshiqlar namoyish etildi.

Shundan soʻng bayramning rasmiy qismi boshlanib, institut rektori B.Xusanov tashrif buyurgan mehmonlar hamda institut jamoasini Ona tabiatning eng goʻzal bayrami, milliy qadriyatlar bilan uygʻunlashgan Navroʻzi olam bilan tabrikladi.

Iqtidorli, faol talaba-yoshlar tomonidan tayyorlangan oʻzbek xalqining tarixiy ildizlarini namoyon etuvchi chiqishlar, askiyalar, xalq oʻyinlari bugungi kunning dolzarb voqeligini aks ettiruvchi ijodiy sahna koʻrinishlari yigʻilganlar kayfiyatiga koʻtarinkilik baxsh etti.

❮ ❯