Kosonsoy tumanidagi 54-sonli umumiy o‘rta ta’lim maktabida Namangan davlat pedagogika instituti huzuridagi “Boshlang‘ich sinf ta’limini rivojlantirish markazi” faoliyati yo‘lga qo‘yildi.

Tadbirda tuman Maktabgacha va maktab ta’limi bo‘limi rahbari, maktab direktorlar, boshlang‘ich sinf o‘qituvchilari hamda NamDPI professor-o‘qituvchilari ishtirok etdi. Maktab direktori Alisher Abdurashidov ushbu hamkorlik ta’lim sifatini oshirishda muhim ahamiyat kasb etishini ta’kidladi.

Markaz faoliyati doirasida professor-o‘qituvchilar tomonidan ma’ruzalar, bitiruvchilar bilan suhbatlar, psixologik treninglar hamda boshlang‘ich sinf o‘qituvchilari uchun kasbiy rivojlanish seminarlari tashkil etildi.

Mazkur tashabbus oliy va umumta’lim muassasalari o‘rtasidagi hamkorlikni mustahkamlash, tajriba almashish va zamonaviy pedagogik yondashuvlarni amaliyotga joriy etishga xizmat qiladi. NamDPI bu yo‘nalishdagi ishlarni izchil davom ettiradi.

❮ ❯